Čizkejk sa kupinama

 

Sastojci

Osnova od keksa

300g mljevene plazme ili nekog drugog keksa

100g šećera u prahu

120g maslaca ili margarina

100ml mlijeka

Bijeli fil

300g maskarpone sira

250ml slatke pavlake

150g šećera u prahu

1 caša kisjele pavlake(180g)

1 kesica želatina + 50ml vode

Preliv od kupina

300g kupina

250ml vode

1 kesica želatina + 100ml vode.

Priprema

Maslac i margarin mikserom pjenasto umutiti. Dodati plazmu i mlijeko pa rukama sve fino sjediniti. Smjesu izručiti u kalup, pa fino izravnjati.

Želatin sipati u neku posudu,pa preliti sa 50ml hladne vode. Ostaviti 10 minuta da nabubri a za to vrijeme pripremite fil.

Slatku pavlaku ubutati.

Sir sipati u zdjelu, pa dodati šećer u prahu. Lagano kašikom ili mutilicom dobro sjediniti. Ja nikada ne koristim mikser. Na isti način dodajte slatku pavlaku, pa zatim i kisjelu pavlaku.

Želatin koji je nabubrio ubacite u rernu na par minuta da se istopi. Ja sam rernu uključila na 150° i otvarala svako malo da miješam želatin dok se ne istopi.

U istopljen želatin dodati punu kašiku čiz fila i izmiješati. Ovu smjesu dodati u ostatak fila i opet kašikom ili mutilicom dobro sjediniti.

Fil sipati preko osnove od keksa i ostaviti u frižider par sati da se stegne.

Kad se fil stegao napraviti preliv od kupina.

U blender sipati kupine i 250ml vode i dobro izmiksati. Ako koristite zamrznute kao ja onda voda neka bude topla da se kupine odmrznu.

U posudu sipati želatin,preliti sa 100ml hladne vode i ostaviti 10ak minuta da nabubri.

Kupine prebaciti u šerpicu, dodati šećer i staviti da se kuva. Kada počne da ključa kuvati 5 minuta pa skloniti sa vatre. Pola smjese procijediti, da ne bi bilo previse onih sjemenkica kojih ima u kupinama. Ja sam to uradila u bokalu da bih ujedno i izmjerila koliko ima. Neka ne bude preko 400-450ml tečnosti. (Ako tečnosti ima više, višak iskoristite za jedan sokić :))

U još topli preliv dodati nabubreli želatin da se istopi.

Ostaviti nekoliko minuta da se prohladi pa kutlačom sipati preko bijelog fila. Ovo raditi pažljivo i nikako sa visine da ne bi tečnost probila kroz bijeli fil.

Ostavite preko noći u frižideru i sjutra dan uživajte u zaista prelijepom kolaču!

Prijatno!